Baada ya Diamond kutoa msaada wa Tsh Mil 20, Alikiba amekuja na Million 21

Baada ya Diamond Platnumz kutoa msaada wa Tsh million 20 katika taasisi ya GSM Foundation inayojihusisha na kusaidia watoto wanaosumbuliwa na magonjwa ya vichwa vikubwa na Mgongo wazi sasa ni zamu ya Alikiba.

Msanii huyo wa Bongo Fleva siku ya jana August 11 aliwasili katika ofisi za GSM Foundation na kuwakabidhi pesa taslim shilingi za kitanzania Million 21 (21,000,000) kama mchango wake wa kusaidia upasuaji kwa watoto wanaosumbuliwa na magonjwa ya vichwa vikubwa na mgongo wazi.
 

@officialalikiba, tunashukuru sana kwanza kwa kututembelea katika ofisi yetu ya #GSMFoundation na pili kwa mchango wako uliotupatia wa kiasi cha shilingi milioni ishirini na moja (21,000,000) ukiwa ni mchango wako na kuunga mkono juhudi zetu za kuwafanyia upasuaji watoto wanaosumbuliwa na magonjwa ya kichwa kikubwa na mgongo wazi. Mwenyezi Mungu akujalie kwa moyo wako na kukubariki katika kila unalolifanya.

A photo posted by GSM Foundation (@gsmfoundationtz) on Aug 11, 2016 at 9:31am PDT