Darassa aelezea changamoto za maisha magumu aliyopitia zinavyomfanya akaze kwenye muziki…

 

Rapper Darassa ambaye kwa sasa anatamba na kibao chake cha Too Much amesema kuwa changamoto za maisha magumu aliyoyapitia ndiyo yanampa hamasa ya kukomaa kwenye muziki ili aweze kuwa juu zaidi.

Akiongea kwenye kipindi cha Ngaz kwa Ngaz kinachoruka kupitia EATV,rapper huyo amedai kuwa amewahi kupitia changamoto nyingi kwenye maisha ikiwemo kulala njaa na kukosa mahali pa kukaa.

''Changamoto zina njia mbili zinaweza kukuua kabisa au zikakufanya kuwa bora zaidi, lakini siku zote mtu mwenye malengo changamoto haziwezi kumuua bali zinamfanya kuwa bora zaidi. Kazi yoyote nzuri ambayo saizi inafanya vizuri ni kutokana na changamoto ambazo nimepitia nyuma, kama kulala njaa nyumbani, ama kukosa sehemu ya kulala au kukosa kitu cha kuvaa na chochote kile ndiyo kimenijenga mimi kuwa mtu bora ambaye ninajua nini cha kusema, nini cha kufanya na wapi kwa kwenda'' alisema Darassa.