One The Incredible asema hakuna Hip Hop Singeli ila....

 
Baada ya Msanii Nguli wa Hiphop hapa nchini Prof.Jay kufanya ngoma ya Singeli na Sholo Mwamba na kudai kuwa amefanya Hiphop Singeli,msanii mwingine wa Hip hop One The Incredible ameibuka na kusema hakuna kitu kama Hiphop Singeli.

One alisema hayo wakati akihojiwa na Enewz ya EATV,na kudai kuwa hiphop haiwezi kuchanganywa na singeli kwa sababu hiphop ina misingi yake na singeli ambayo ni tofauti na singeli.

''Hakuna kitu kama hiphop singeli,Haijawahi na haitawahi kutokea ,hakuna tatizo kwa msanii yoyote kufanya singeli ila tatizo ni kuchukua ile concept ya msanii wa hiphop au rap kufanya rap katika singeli na tukaiita hiphop Singeli.'' alifunguka Msanii huyo kutoka Tamaduni Muziki.

''Alichokifanya Profesa Jay ni Singeli au amerap katika mdundo wa Singeli lakini ile siyo hiphop.endapo msanii wa hiphop ameenda kurekodi kwenye singeli tunaweza kuiita Hip hop,endapo Singeli ina misingi ya hiphop lakini kama haina misingi ya Hiphop huo ni uongo hiyo ni rap ya singeli'' Aliongeza One The Incredible