Huyu hapa Msanii wa Kwanza atakae sainiwa kwenye Label ya Dogo Janja

Umeshawahi kufikiria kuhusu Dogo Janja kuwa na lebo yake mwenyewe kisha msanii wa kwanza kumsainisha akawa ni ya Young Killer? Sasa fikiria itakuwaje endapo ikitokea.

Msanii Dogo Janja a.k.a Janjaro kutoka kundi la Tip Top Connection amekuwa na Ndoto siku moja ya kuja kumiliki Lebo yake ya Muziki kama Wasanii wengine wakubwa wanavyofanya.

Siyo jambo la ajabu kuona msanii aliyetoka kimuziki kumsaidia msanii mwenzake au kumsimamia msanii mwenzake ili aweze kufanikisha ndoto zake kwani hata wasanii wanaotajwa kuwa wakubwa duniani  nao pia wanasimamiwa na wasanii wenzao mfano Rihanna, Kanye West  na wasanii kibao wanasimamiwa na lebo ya Jayz inayokwenda kwa jina la Roc Nation.

Kupitia kipindi cha Friday Night Live (FNL), Dogo Janja adai endapo angekuwa tayari anamiliki lebo yake na msanii wa Kwanza aliyemtaja kumsaini kwenye Lebo hiyo angekuwa ni Young Killer.

Dogo Janja anaewafurahisha mashabikli wake na wimbo wake wa ''Kidebe''
Alisema ''Young Killer ni msanii mkali  lakini anahangaika sana kutoboa hivyo angemsaini ili kufikia malengo yake''.